HANAFIY MAZHABIGA DOIR MASALALARINING KLASSIFIKATSIYASI VA ULARNING FATVO BERISH TIZIMIDAGI AHAMIYATI

Hanafiy fiqhiga doir asarlar matnlar, sharhlar, fatvolar va boshqa shu kabi ko’rinishdagi andoza va uslublarda yozilgan. Ularning ichida mazhab imomlarining mutaqaddimlari bo’lgan Abu Hanifa va mujtahidlik maqomiga erishgan shogirdlaridan rivoyat qilingan asarlar, ulardan keying davrda yashab ijod qilgan faqihlar istinbot qilgan asarlar, mazhab ichida amal qilinadigan va dalili va manbasi quvvatli bo’lganligi hamda aytuvchi va rivoyat qiluvchisining martabasi yuqori bo’lganligi sababli boshqalaridan ustun qo’yiladigan asarlar va shuningdek nodir, zaif va mardud bo’lgan masalalarni o’zida jamlagan asarlar ham mavjud. Bayon qilinayotgan masalalar o’rtasidagi turli xillik va tavofut mavjud bo’lganligining natijasi o’laroq bir masala borasida asarlarda turli xil gaplar keltirilgan bo’lsa, ularning ichida kuchli bo’lganini zaifidan ajratib olish imkoni mavjud bo’lishi uchun hanafiy mazhabining mutaaxxir olimlari asarlarni darajalarga ajratishgan va ushbu darajalarni “tabaqa” deb nomlashgan[1].
 
[1] Ahmad Muhammad Nasiriddin Najib. Al-madxal al-hanafiy. – Riyoz: Maktabat ar-rushd, – B.201.