“YO‘QOTILGAN AVLOD” MUAMMOSI ERICH MARIA REMARKNING “G‘ARBIY FRONTDA O‘ZGARISH YO‘Q” ASARI MISOLIDA

Erich Maria Remarkning “G‘arbiy frontda o‘zgarish yo‘q” romani XX asr adabiyotida alohida o‘rin egallaydi. Asarda Birinchi jahon urushida qatnashgan nemis yoshlarining taqdiri o‘ziga xos tarzda ifodalanadi. Muallif urushning shafqatsiz manzaralarini tasvirlab, uning inson ruhiyatiga qanday dahshatli ta’sir ko‘rsatishini ko‘rsatadi. Urushga safarbar etilgan yoshlar orzu va umidlarini yo‘qotgan holda tasvirlanadi. Ularning hayoti nafaqat jismonan, balki ma’nan ham vayronaga aylanadi. Shu sababli romanda “yo‘qotilgan avlod” atamasi asosiy ramz sifatida gavdalanadi. Bu avlod o‘zining eng go‘zal yillarini frontda yo‘qotgan edi. Ular na maktab hayotiga qaytib keta oldi, na oddiy tinchlik hayotiga moslashdi. Shunday qilib, roman butun bir avlodning fojeasini ko‘rsatib beradi.