ПАТИССОН (Cucurbita pepo var. melopepo) СЕЛЕКЦИЯСИ УЧУН БОШЛАНҒИЧ МАНБА МАТЕРИАЛЛАРИНИ ЙИҒИШ ВА F 1 ДУРАГАЙЛАРИНИ ЯРАТИШ

  Mақолада патиссон ўсимлигининг гибрид дурагайларини яратиш учун бошланғич материални танлаш ва ўрганиш ҳақида маълумотлар берилган. Буни амалга ошириш учун бир қанча вазифаларни бажариш кўзда тутилган. Тадқиқот қуйидаги методик кўрсатмалар асосида олиб борилди. Руководство по апробации овощных култур и кормовых корнеплодов (Брежнев Д.Д., 1982), Методика полевого опыта (Доспехов Б.А., 1985), Методика полевого опыта и овощеводстве и бахчеводстве (Белик  В. Ф., 1979), Методика государственного сортоиспытания сельско хозяйственных культур (1975).   Тадқиқот давомида патиссоннинг 33 та нав намуналарининг морфологик хусусиятлари батафсил ўрганилди. Ўсимлик турига кўра,  бутаси тик ўсувчи патиссонлар турига Солнишко, Самбреро, Нежное парфе, Учар ликопча, Копейка, Карапуз ва бошқаларни киритиш мумкин. Поясини шохланиш типи бўйича нозик ва ўртача патиссонларга Марсианин, Патиссон Наф-наф, Деликатесни киритиш мумкин. Ўсимликни туп шакли бўйича очиқ ва ярим очиқ буталарга бўлинади. Очиқ формасига 27-29 та баргдан иборат бўлган Пятичокни, 28-30 баргдан иборат Солнишко кальчуга, Цветное триони киритиш мақсадга мувофиқ.
  Қимматли хўжалик белгиларини юқорилиги бўйича қуйидаги турлар ажратилди: Пятичок, Самбреро, Марсианин, ўртапишарлиги бўйича Диск ва Чебурашка. Ҳосилдорлигини юқорилиги бўйича Самбреро- 9.47 кг\м2, Пятичок -7.08 кг\м2, Мини крошка -6. 16 кг\м2. Солнишко- 5.58 кг\м2. Цветное трио-2. 56 кг\м2. Деликатес- 1. 65 кг\м2. Кимёвий таркибининг юқорилиги бўйича Пятичок, Марсианин турлари аниқланди.