ОШҚОЗОН ВА ЎН ИККИ БАРМОҚЛИ ИЧАК ЯРА КАСАЛЛИГИНИНГ ҚАЙД ЭТИЛИШ КЎРСАТКИЧИ ТАҲЛИЛИ

Статистика маълумотларига кўра, катталар орасида аҳолининг 10–12 %, асосан 20–50 ёшли инсонлар гастродуоденал яралардан азият чекади. Эркаклар ва аёлларда касалликнинг учраш нисбати тўртга бирни ташкил этади. Ушбу муаммонинг долзарблиги шундаки, касалликни асосий сабаби туфайли ногиронлик эркакларда 68 %, аёлларда 30 % кузатилади [1]. Ошқозон яраси сурункали касаллик бўлиб, қайталанувчи, ремиссия, яъни касаллик белгилари сезиларли даражада заифлашиши ёки йўқолиши билан тавсифланади. Касаллик туфайли ошқозон ва ўн икки бармоқли ичак деворида нуқсонлар, яралар ҳосил бўлади [2].