BO'LAJAK OLIGOFRENOPEDAGOGLARNI KASBIY KOMPETENTLIGINING TARKIBIY TUZILMASI

Mazkur maqolada bo‘lajak oligofrenopedagoglarning kasbiy kompetentligini shakllantirish jarayoni va uning tarkibiy tuzilmasi yoritilgan. Kasbiy kompetentlik pedagogning nafaqat nazariy bilimlari, balki amaliy ko‘nikma va shaxsiy sifatlarining uyg‘unligi sifatida izohlanadi. Oligofrenopedagog uchun bu, avvalo, maxsus pedagogika va psixologiya bo‘yicha chuqur bilim, korreksion ta’lim metodlari, diagnostika va reabilitatsiya faoliyatini samarali tashkil etish malakalarini o‘z ichiga oladi. Shuningdek, kasbiy kompetentlikning shaxsiy-axloqiy (empatiya, insonparvarlik, sabr-toqat), ijtimoiy-kommunikativ (ota-onalar hamda mutaxassislar bilan hamkorlik), hamda innovatsion (zamonaviy texnologiyalar va yangi metodlarni qo‘llash) komponentlari alohida ahamiyatga ega. Bo‘lajak oligofrenopedagoglarning kasbiy kompetentligini shakllantirish ularning ta’lim-tarbiyaviy va korreksion faoliyatda yuqori samaradorlikka erishishlarini ta’minlaydi.