Homiladorlik davrida sog‘lom ovqatlanish qoidalari

Shiddat bilan rivojlanib borayotgan bugungi kunimizda sog’lom turmush tarzini shakllantirish eng asosiy masalalardan biridir. Kishilar salomatligini saqlash va sog’lom avlodni yuzaga keltirish xozirda dolzarb vazifa sanaladi. Buning uchun kishilarning kundalik faoliyatida ma’lum bir tartib intizom, o‘z sog’ligi haqida “qayg’urish” ya’ni o‘z-o‘zini idora qilish kabi tushuncha va bilimlar bilan boyitib borishimiz kerak. Shu asnoda ularni ma’lum darajada kun tartibiga o‘rgatib borishimiz kerak bo‘ladi. Kun tartibini gigiyenik qoida va talablar asosida tashkil etish orqali har bir ishni har kuni ma`lum belgilangan vaqtda bajarishga, ma`lum belgilangan vaqtda ovqatlanish va dam olishga organizm moslashadi. Boshqacha aytganda har bir ishni bajarish, ovqatlanish, dam olish, uxlash vaqtiga shartli refkeks hosil bo‘lib, dinamik stereotip shakllanadi.