TA’LIMDA XALQAROLASHUV VA GLOBALLASHUV TUSHUNCHALARINING MOHIYATI VA O‘ZARO MUNOSABATI

Iqtisodiyot sohasidagi global integratsiya jarayonlari nafaqat jahon ilm-fani va ta’limining rivojlanishiga, balki mamlakatlarning siyosiy va madaniy munosabatlarining takomillashishiga ham hissa qo‘shdi. Bunday integratsiya tufayli bir tomondan, fan, madaniyat, axborot texnologiyalarini rivojlantirish va boshqa sohalarda o‘zaro manfaatli hamkorlik qilish imkoniyati yuzaga keladi. Boshqa tomondan, rivojlanayotgan mamlakatlarning taraqqiy etgan davlatlarga qaramligi ortib bormoqda . Bunday vaziyat ilg‘or mamlakatlarning jadal rivojlanishini nazarda tutadi, riovjlanayotgan davlatlarning vazifasi esa ilg‘or mamlakatlar ortidan doimiy ravishda “quvib boorish”dan iborat bo‘lib qolmoqda. Bunday muammo, ayniqsa, madaniy merosni saqlash va avloddan-avlodga yetkazish, mamlakatlarning o‘ziga xos xususiyatlarini aniqlash zaruriyati tug‘ilganda yanada keskinlashadi. Bu jarayonda ta’lim tizimi hal qiluvchi ahamiyat kasb etadi.