KRIPTOVALYUTALAR: MOHIYATI VA ZAMONAVIY MOLIYA BOZORIDA RIVOJLANISH TENDENSIYALARI

Ma’lumki, mamlakatimizda «Raqamli O‘zbekiston — 2030» strategiyasiga muvofiq iqtisodiyot tarmoqlari va hududlarini raqamlashtirish, davlat axborot tizimlari va elektron xizmatlarni joriy etish, shuningdek, raqamli texnologiyalardan keng foydalanishni ta’minlash bo‘yicha xalq ta’limi, davlat xizmatlari, sud, moliya va bank tizimida kompleks chora-tadbirlar amalga oshirilmoqda. Xususan, prezidentimizning 2020 yil 28 apreldagi “Raqamli iqtisodiyot va elektron hukumatni keng joriy etish chora-tadbirlari to‘g‘risida”gi qarorida 2023 yilga borib raqamli iqtisodiyotning mamlakat yalpi ichki mahsulotidagi ulushini 2, ushbu sohadagi xizmatlar hajmini 3 baravar oshirish, ular eksportini 100 million AQSh dollariga yetkazish vazifasi qo‘yilgan. Bu esa molyaviy texnologiyalar sohasida real amaliyot va bu boradagi ilg‘or xorij tajribalari asosida ilmiy tadqiqotlar olib borish  va sohani rivojlantirishda joriy etish maqsadga muvofiqligini ko’rsatadi.