Javlon Jovliyevning “Qo‘rqma” romani: vaqt, voqelik va talabalarning taqdiri

Ushbu maqolada Javlon Jovliyevning “Qo‘rqma” romani zamon va voqelik tizimining o‘ziga xos, istalgan vaqtda buzilishi mumkin bo‘lgan ketma-ketliklari hamda bu holatlarning tabiiy qabul qilinishi masalasi yoritiladi. Asarda Germaniyaga o‘qishga ketgan o‘zbek talabalari taqdiri, ularning Vatan oldidagi mas’uliyati, “Ko‘mak” jurnali va teatr truppasi faoliyati orqali milliy ong va madaniy-ma’rifiy muhit tahlil qilinadi. Romandagi qahramonlarning maktublari va tergov jarayonlari orqali o‘sha davrning siyosiy-ijtimoiy holati tasvirlanadi. Asarda vaqt qatlamlari o‘zaro aralashib ketib, yozuvchining uslubiy mahorati bilan tarixiy haqiqatlar badiiy yoritiladi. Roviy obrazidagi tafakkur, tarixiy izlanish va milliy tanqid ruhiyati romanning markazida turadi. Maqola asar tilidagi badiiy to‘qimalar, obrazlarning ramziy-ma’nolari hamda yozuvchining xayoliy-ijtimoiy tafakkurining o‘ziga xosligi haqida fikr yuritadi.