O‘quvchilarning axborot bilan ishlash kompetensiyalarini shakllantirishda dasturiy vositalardan foydalanishning samaradorligi

Mazkur tadqiqot ishida zamonaviy ta’limda o‘quvchilarning axborot bilan ishlash kompetensiyalarini shakllantirish jarayonida dasturiy vositalardan foydalanish masalasi tahlil etilgan. Tadqiqotning asosiy maqsadi – axborot-kommunikatsiya texnologiyalari, xususan, ta’limiy dasturlar yordamida o‘quvchilarda tahliliy fikrlash, tanqidiy yondashuv, raqamli savodxonlik va ijodkorlik kabi ko‘nikmalarni rivojlantirish imkoniyatlarini aniqlashdan iborat. Ish davomida turli metodik yondashuvlar, takomillashtirilgan ta’lim uslublari hamda real amaliy dasturlar misolida tahlil o‘tkazildi. Tadqiqot natijalari o‘quvchilarda axborotni tanlash, baholash, qayta ishlash va undan samarali foydalanish kompetensiyasini shakllantirishda dasturiy vositalar muhim vosita bo‘lib xizmat qilishini isbotladi.