UMUMIY O‘RTA TA’LIMDA FIZIKA FANINI VIRTUAL LABORATORIYALAR ORQALI O‘QITISHDA O‘QUVCHILARNING EKSPERIMENTAL-TADQIQOT KO‘NIKMALARINI RIVOJLANTIRISH METODIKASI

Zamonaviy ta’lim jarayoni o‘quvchilardan nafaqat nazariy bilimlarni egallashni, balki ularni amaliyotda qo‘llay olish, mustaqil tadqiqot olib borish va natijalarni tahlil qilish ko‘nikmalarini ham talab etadi. Ayniqsa, tabiiy fanlar, jumladan, fizika o‘qitishda laboratoriya mashg‘ulotlarining ahamiyati beqiyosdir. An’anaviy laboratoriya tajribalarini o‘tkazish ko‘p hollarda moddiy-texnik baza, vaqt va xavfsizlik masalalari bilan cheklangan bo‘lsa, virtual laboratoriyalar bu muammolarning samarali yechimlaridan biri sifatida maydonga chiqmoqda.