KARIESNING ZAMONAVIY DIAGNOSTIKASI VA DAVOLASH USULLARI

Tish kariesi– og’iz bo’shlig’idagi eng keng tarqalgan surunkali kasallik bo’lib, emal va dentinning demineralizatsiyasi natijasida yuzaga keladi. Karies inson hayot sifatiga sezilarli ta’sir qiladi, og’riq, ovqatlanish muammolari va kosmetik noqulayliklarni keltirib chiqaradi. Maqolada karies kasalligining zamonaviy diagnostikasi, jumladan ICDAS, ICCMS, lazer va optik texnologiyalar, sun’iy intellekt yordamida aniqlash metodlari tahlil qilinadi. Shuningdek, minimal invaziv davolash, remineralizatsiya terapiyasi, lazer yordamida davolash va biomateriallar bilan restavratsiya usullari ko’rib chiqiladi. Profilaktika choralari va bemor ta’limining roli alohida ta’kidlangan. Maqola stomatologiya amaliyotida zamonaviy yondashuvlarni o’rganish va kariesni samarali boshqarish uchun ilmiy asos yaratadi.