QORAQALPOGʻISTON SHAROITIDA RASTAROPSHA (SILYBUM MARIANUM) DORIVOR O‘SIMLIGINI YETISHTIRISH

Rastaropsha (Silybum marianum) - dorivor o‘simlik sifatida keng tarqalgan va ko‘plab foydali xususiyatlarga ega bo‘lgan bir yillik o‘simlikdir. Ushbu tadqiqot Qoraqalpogʻiston sharoitida rastaropsha yetishtirish imkoniyatlarini o‘rganishga qaratilgan. Mintaqaning iqlimi, tuproq xususiyatlari va agrotechnika sharoitlari, bu o‘simlikni muvaffaqiyatli yetishtirish uchun muhim omillardir. Tadqiqotda rastaropshaning biologik xususiyatlari, yetishtirish texnologiyalari, zararkunandalarga qarshi kurash usullari va hosilni qayta ishlash jarayonlari batafsil tahlil qilinadi. Qoraqalpogʻistonning iqlim sharoitlari, ayniqsa qurg‘oqchilikka bardoshli bo‘lganligi sababli, bu o‘simlikni ekish uchun qulay hisoblanadi. Shuningdek, rastaropsha urug‘ining yuqori sifatli dorivor moddalar manbai sifatida ahamiyati ta'kidlanadi. Ushbu tadqiqot natijalari Qoraqalpogʻistonda rastaropsha ekishni jadal rivojlantirishga, mahalliy aholi uchun yangi ish o‘rinlari yaratishga va dorivor o‘simliklar ishlab chiqarishni diversifikatsiyalashga xizmat qiladi. Natijada, mintaqa iqtisodiyotini mustahkamlash va aholi salomatligini yaxshilashda muhim rol o‘ynashi kutilmoqda.