TALABALARDA MA'NAVIY DUNYOQARASHNI RIVOJLANTIRISH METODIKASI ("MEDIASAVODXONLIK VA AXBOROT MADANIYATI" FANI MISOLIDA)

Ushbu tezisda talabalarda ma'naviy dunyoqarashni rivojlantirish metodikasi "Mediasavodxonlik va axborot madaniyati" fani misolida tahlil qilinadi. Bugungi kunda axborot va kommunikatsiya texnologiyalarining tez rivojlanishi natijasida yoshlar, ayniqsa talabalar, har kuni katta miqdorda axborotga duch kelmoqdalar. Shuning uchun, ularning mediasavodxonlik va axborot madaniyati sohasidagi ko‘nikmalarini shakllantirish, axloqiy va ma'naviy jihatdan to‘g‘ri qarorlar qabul qilishga o‘rgatish muhim ahamiyat kasb etadi. Mediasavodxonlik talabalarga axborotlarni tanqidiy tahlil qilish, ularning manbalarini tekshirish, hamda axborotni ma'naviy va etik jihatdan to‘g‘ri ishlatish ko‘nikmalarini beradi. Axborot madaniyati esa, axborotni etkazish va qabul qilishda ma'naviy mas'uliyatni his qilishni, shaxsiy axborot xavfsizligi va maxfiyligiga e'tibor berishni o‘rgatadi.