Xiva Xonligi vaqf hujjatlarida numerativlar

Mazkur maqolada Xiva xonligi hujjatlarida qo‘llanilgan numerativlar ilmiy nuqtayi nazardan tahlil qilinadi. Numerativlar – sanash birliklari bo‘lib, ular o‘rta asr hujjatlarida iqtisodiy, ijtimoiy va huquqiy munosabatlarni aks ettirishda muhim rol o‘ynagan. Tadqiqot davomida Xiva xonligiga oid arxiv hujjatlari, soliq daftarlari va boshqa rasmiy yozishmalardagi numerativlarning lingvistik xususiyatlari o‘rganiladi. Shuningdek, ularning turk, arab va fors tillari bilan o‘zaro aloqasi tahlil qilinib, tarixiy davr tilining o‘ziga xos xususiyatlari yoritiladi. Maqola natijalari numerativlarning o‘sha davr til tizimidagi o‘rnini belgilashga hamda ularning amaliy qo‘llanilishiga oid ilmiy xulosalar chiqarishga xizmat qiladi.