FITRAT TAFAKKURI – ORQADA QOLGAN XALQNI UYG‘OTGAN VIZIONER KUCH

Mazkur maqolada kelajakparast, innovator, ufqni keng ko’ra oladigan rahbar Abdurauf Fitrat shaxsiyati an’anaviy yondashuvlardan farqli ravishda vizioner mutafakkir, ya’ni o‘z zamonidan ilgarilab ketgan, xalq tafakkurini yangilashga intilgan intellektual kuch sifatida tahlil qilinadi. Uning adabiy va ijtimoiy asarlari oddiy ma’rifatparvarlik doirasidan chiqib, ong islohoti, fikr inqilobi kabi chuqur g‘oyalarni ilgari surgan. Maqolada Jadidning zamonaviy qadriyatlar bilan uyg‘un fikrlari, matnlaridagi yashirin diskurslar hamda bugungi o‘zbek ziyolisi uchun namunaviy jihatlari ilmiy asosda yoritiladi. Fitrat endilikda faqat tarixiy shaxs emas – u zamonlararo fikrlar suhbatida haligacha faol ishtirok etayotgan fikr startapi asoschisidir.