Tijorat banklari aktivlari samaradorligini oshirishning ustuvor yo‘nalishlari

Tijorat banklari aktivlari samaradorligini oshirish bugungi kunda moliyaviy barqarorlik va iqtisodiy o‘sishni ta’minlashning eng muhim shartlaridan biridir. Ushbu tadqiqotda bank aktivlari samaradorligiga ta’sir etuvchi asosiy omillar — kredit portfeli sifati, likvidlik darajasi, foiz stavkalari, kapital yetarliligi va risk boshqaruvi tizimlari tahlil qilinadi. Shuningdek, O‘zbekiston tijorat banklari misolida aktivlar rentabelligini oshirishning ustuvor yo‘nalishlari sifatida raqamli bank xizmatlarini kengaytirish, muammoli kreditlarni kamaytirish, resurs bazasini diversifikatsiya qilish hamda xalqaro standartlar asosida aktivlarni boshqarish mexanizmlarini takomillashtirish taklif etiladi. Tadqiqot natijalari tijorat banklarining moliyaviy samaradorligini oshirish va raqobatbardoshligini mustahkamlashga xizmat qiladi.