FERMER XO‘JALIKLARI MOLIYAVIY NATIJALARIGA TA’SIR ETUVCHI ASOSIY FAKTORLARNI O‘RGANISH VA IQTISODIY BAHOLASH USULLARI

Mazkur maqolada qishloq xo‘jaligi sohasida faoliyat yurituvchi fermer xo‘jaliklarining moliyaviy natijalariga ta’sir ko‘rsatuvchi omillar tizimli tahlil qilinadi. Fermer xo‘jaliklari faoliyatini samarali tashkil etish, mavjud resurslardan oqilona foydalanish va ichki imkoniyatlarni aniqlash orqali moliyaviy barqarorlikka erishish masalasi yoritilgan. Tadqiqotda xususan g‘allachilik yo‘nalishidagi xo‘jaliklarda hosildorlik, mehnat resurslari, ishlab chiqarish xarajatlari va ularning tarkibi moliyaviy natijalar shakllanishiga qanday ta’sir ko‘rsatishi zanjirli almashtirish (ketma-ket o‘zgarish) usuli orqali baholangan. Ushbu yondashuv fermer xo‘jaliklarida iqtisodiy jarayonlarni chuqur tahlil qilish, ishlab chiqarish samaradorligini aniqlash va kelgusida boshqaruv qarorlarini optimallashtirishga imkon beradi. Tadqiqot natijalari fermer xo‘jaliklarini rivojlantirish strategiyasini ishlab chiqishda amaliy ahamiyat kasb etadi.