Baron Dezmezonning fransuz tiliga tarjimasida Abu-l-G‘oziy Bahodirxonning "Shajara-i Turk" asarida lingvomadaniy birliklarning berilishi

Mazkur maqolada Baron Dezmèzon tomonidan fransuz tiliga tarjima qilingan Abu-l-G‘oziy Bahodirxonning “Shajara-i Turk” asaridagi lingvomadaniy birliklarning tarjimasi tahlil etiladi. Tarjimada qo‘llanilgan asosiy usullar — transliteratsiya, izohli tarjima, kontekstual tushuntirish, ekvivalentli tarjima va madaniy moslashtirish holatlari misollar orqali ko‘rsatib berilgan. Muallif Dezmèzon tarjimasida turkiy xalqlarning tarixiy, madaniy va dini o‘ziga xosliklarini qanday tarzda saqlab qolishga intilganini ko‘rsatadi. Shuningdek, maqolada etnonimlar, toponimlar, antroponimlar, diniy iboralar, urf-odatlar, kiyim-kechak va taom nomlarining tarjimadagi aks etishi tahlil qilinadi. Tadqiqot natijalari tarjima jarayonida madaniy kontekstni saqlashning ahamiyati va lingvomadaniy birliklarning tarjimada qanday rol o‘ynashini yoritadi.