“SURXONDARYO VILOYATINING O‘TLOQI-TAQIR TUPROQLARI SHAROITIDA INGICHKA TOLALI G‘O‘ZANI TURLI USULLARDA SUG‘ORISH MUDDATI, ME’YORI VA TARTIBLARI”

Mazkur maqolada Surxondaryo viloyatining o‘tloqi-taqir tuproqlari sharoitida ingichka tolali g‘o‘zani turli sug‘orish usullarida yetishtirish samaradorligi o‘rganilgan. Tadqiqotlarda egatlab va tomchilatib sug‘orish usullarining sug‘orish muddati, me’yori hamda tartiblari g‘o‘zaning o‘sishi, rivojlanishi va hosildorligiga ta’siri tahlil qilingan. Sug‘orish oldi tuproq namligi ChDNS ga nisbatan 70-75-65 % va 65-70-65 % rejimlarda olib borilgan tajribalar asosidasuv sarfi, sug‘orishlar soni va hosildorlik ko‘rsatkichlari aniqlangan. Tadqiqot natijalariga ko‘ra, tomchilatib sug‘orish texnologiyasi suv resurslarini tejash, tuproqning meliorativ holatini yaxshilash hamda yuqori va barqaror hosil olishda samarali usul ekanligi aniqlangan. Ayniqsa, azotli o‘g‘itlarni suv bilan birgalikda qo‘llash suv sarfini kamaytirib, g‘o‘zaning hosildorligini oshirishga xizmat qilgan.