YENGIL AVTOMOBILLARNI EKSPLUATATSION JARAYONINING YOQILG‘I SARFIGA TA’SIRI

Ushbu tezisda yengil avtomobillarni ekspluatatsiya qilish jarayonida yoqilg‘i sarfiga ta’sir etuvchi asosiy texnik va tashkiliy omillar tahlil qilingan. Avtomobilning yoqilg‘i sarfi faqat dvigatel quvvati yoki ishlab chiqaruvchi tomonidan belgilangan me’yorlarga bog‘liq bo‘lmay, balki real foydalanish sharoitida dvigatelning texnik sozligi, shina bosimi, haydash uslubi, yo‘l sharoiti, yuklanish darajasi, harakat tezligi, iqlimiy muhit va texnik xizmat ko‘rsatish sifati bilan belgilanadi. Tezisda yoqilg‘i sarfini kamaytirishda avtomobilning texnik holatini muntazam nazorat qilish, ravon boshqaruv uslubini shakllantirish va servis intizomiga rioya qilish muhimligi asoslangan.