SO‘FI OLLOYOR ASARLARIDA AXLOQIY TARBIYA

Ushbu maqolada o’zbek ma’naviy-ma’rifiy me’rosida muhim o‘rin tutgan So‘fi Olloyor asarlarida axloqiy tarbiya masalasi ilmiy-pedagogik nuqtayi nazardan tahlil qilinadi. Tadqiqotda mutafakkirning hayoti, ijodiy merosi, “Sabot ul-ojizin” asarining ta’limiy-ma’rifiy ahamiyati, undagi komil inson, sabr, hayo, halollik, nafsni jilovlash, ustozga hurmat, ilmga intilish, ijtimoiy mas’uliyat va ruhiy poklanish g‘oyalari ochib beriladi. So‘fi Olloyor axloqiy qarashlari faqat diniy-tasavvufiy doirada emas, balki shaxsni ma’naviy yetuklikka olib boruvchi pedagogik tizim sifatida talqin qilinadi. Maqolada tarixiy-manbashunoslik, germenevtik, aksiologik va pedagogik tahlil metodlari asosida mutafakkir merosining zamonaviy ta’lim-tarbiya jarayonidagi amaliy qo‘llanish imkoniyatlari ko‘rsatib beriladi. O‘zbekiston ta’lim tizimida ma’naviy-axloqiy tarbiyani kuchaytirish bo‘yicha mavjud me’yoriy asoslar bilan So‘fi Olloyor qarashlari o‘rtasidagi mazmuniy uyg‘unlik ham yoritiladi.