Fuqarolik-huquqiy nizolarni sudga qadar va muqobil hal etish tartibini rivojlantirish masalalari

Mazkur maqolada fuqarolik-huquqiy nizolarni sudgacha va muqobil yo‘llar bilan hal etish tizimini rivojlantirish masalalari yoritilgan. Unda nizolarni sudgacha hal etish shakllari – muzokara, mediatorlik, arbitraj va boshqa muqobil usullar tahlil qilinib, ularning samaradorligi, huquqiy asoslari va amaliyotdagi o‘rni ko‘rib chiqiladi. Muallif ushbu tartiblarning afzalliklari, xususan, vaqt va xarajat jihatidan tejamkorligi, tomonlar o‘rtasida kelishuvga erishish imkoniyati hamda sud organlaridagi yuklamani kamaytirishdagi o‘rni haqida fikr yuritadi. Shuningdek, bu sohadagi mavjud muammolar va ularni bartaraf etish bo‘yicha takliflar ilgari suriladi. Maqola fuqarolik jarayonining soddalashtirilgan va samarali muqobil mexanizmlarini takomillashtirish bo‘yicha nazariy va amaliy xulosalarni o‘z ichiga oladi.