SHUKUR XOLMIRZAYEVNING “O‘N SAKKIZGA KIRMAGAN KIM BOR” QISSASIDA YOSHLAR DUNYOQARASHI VA UNING SHAKLLANISHIGA BADIIY TA’SIR

Mazkur maqolada Shukur Xolmirzayevning “O‘n sakkizga kirmagan kim bor” qissasida yoshlar dunyoqarashi shakllanishining badiiy talqini tahlil qilinadi. Asarda o‘smirlik davriga xos ruhiy kechinmalar, yoshlarning hayot haqidagi tasavvurlari, ularning ichki ziddiyatlari va ijtimoiy muhit ta’siri chuqur aks ettirilgan. Qissadagi voqealar tizimi, qahramonlar xarakteri va psixologik tasvir usullari orqali yoshlarning shaxs sifatida kamol topish jarayoni yoritib beriladi. Tadqiqot davomida qissadagi badiiy obrazlar tizimi, voqealar rivoji hamda muallifning realistik tasvir uslubi yoshlar tafakkuri shakllanishiga qanday ta’sir ko‘rsatishi ilmiy jihatdan tahlil qilinadi.