DUAL TA’LIMNI RIVOJLANTIRISH VA UNING TEXNIKUM O‘QUVCHILARI TA’LIM SIFATIGA TA’SIRI

Ushbu ilmiy maqolada dual ta’lim tizimining texnikum o‘quvchilari kasbiy tayyorgarligiga ta’siri, uning ta’lim sifatini oshirishdagi o‘rni hamda O‘zbekiston sharoitida dual ta’limni rivojlantirish bo‘yicha amalga oshirilayotgan islohotlar tahlil qilingan. Tadqiqot davomida texnikum o‘quvchilarining nazariy bilimlari va amaliy ko‘nikmalari shakllanish darajasi solishtirma tahlil qilindi. O‘rganish natijalari dual ta’lim asosida ta’lim olayotgan o‘quvchilarda kasbiy kompetensiyalar, mehnat intizomi va real ishlab chiqarish muhitiga moslashish ko‘rsatkichlari yuqori ekanligini ko‘rsatdi. Maqolada, shuningdek, O‘zbekiston Respublikasida dual ta’limni rivojlantirishga qaratilgan normativ-huquqiy hujjatlar mazmuni ochib berilgan. O‘zbekiston Respublikasida dual ta’lim tizimini rivojlantirish davlat siyosatining muhim yo‘nalishlaridan biri hisoblanadi.