TIBBIYOT OLIYGOHLARIDA Z-AVLODGA TA’LIM BERISHNING O‘ZIGA XOS JIHATLARI

Ushbu maqolada tibbiyot oliygohlarida Z-avlod talabalariga ta’lim berishning o‘ziga xos jihatlari chuqur tahlil qilinadi. Z-avlodning raqamli texnologiyalarga yuqori qiziqishi, qisqa vaqt ichida ma’lumotni tez qabul qilish qobiliyati va mustaqil o‘rganishga moyilligi ta’lim jarayonida yangi yondashuvlarni talab qiladi. Mazkur maqola simulyatsion ta’lim, interfaol metodlar, raqamli platformalar va talabaning kognitiv rivojlanishiga asoslangan pedagogik strategiyalarning samaradorligini ko‘rsatadi. Tadqiqot natijalari tibbiy ta’limda innovatsion metodlarni qo‘llash Z-avlod talabalarining o‘quv jarayoniga moslashuvini kuchaytirishi va bilim sifatini oshirishini tasdiqlaydi.