TALABALARDA MUSTAQIL TA’LIM KOMPETENSIYASINI RIVOJLANTIRISHDA SUN’IY INTELLEKT TEXNOLOGIYALARI INTEGRATSIYALASHGAN RAQAMLI TA’LIM PLATFORMALARINING PEDAGOGIK VA DIDAKTIK IMKONIYATLARI

Mazkur maqolada talabalarining mustaqil ta’lim kompetensiyasini rivojlantirishda sun’iy intellekt texnologiyalari integratsiyalashgan raqamli ta’lim platformalarining didaktik imkoniyatlari ilmiy tahlil qilinadi. Tadqiqotda sun’iy intellekt asosida shakllantirilgan ta’lim muhitining adaptiv, interaktiv va refleksiv imkoniyatlari aniqlanib, ular orqali talabalarning o‘z-o‘zini o‘qitish, metakognitiv fikrlash va o‘z faoliyatini boshqarish kompetensiyalarini rivojlantirish mexanizmlari ochib berilgan. Shuningdek, raqamli ta’lim platformalarining sun’iy intellekt komponentlari - ma’lumotlarni tahlil qilish, o‘quv jarayonini shaxsiylashtirish va o‘zlashtirish natijalarini prognozlashda qo‘llanishining didaktik va metodik asoslari yoritilgan. Tadqiqot natijasida talabalar uchun sun’iy intellektga asoslangan raqamli ta’lim platformalaridan foydalanish metodikasi ishlab chiqilib, mustaqil ta’lim kompetensiyasini shakllantirishning samarador yo‘nalishlari asoslab berilgan.