OLGA ALEKSANDROVNA SUXAREVA TADQIQOTLARIDA BUXORO TARIXI MASALALARINING YORITILISHI

Buxoro o’z tarixi, madaniyati, urf-odatlari va tarixiy yodgorliklari bilan butun dunyoga mashhur bo’lib, ushbu jihatlar tarixchilarni o’ziga jalb qilib keladi. Buxoro tarixini tadqiq qilgan zabardast olimlardan biri – O. A. Suxarevadir. Nafaqat O‘zbekistonda, balki Markaziy Osiyo davlatlarida ham tarix, etnografiya, arxeologiya sohalarida tadqiqot olib boradigan olimlar borki, ularning barchasi Suxareva O.A.ni yaxshi biladi. Darhaqiqat, Markaziy Osiyo tarixi mutaxassisi, sharqshunos, etnograf olima Olga Aleksandrovna Suxareva o‘zining 80 yillik umrining qariyb 60 yilini murabbiylik, ya’ni turli oliy va o‘rta ta’lim maskanlarida yoshlarga tarix ilmidan saboq berish, muzeylar sohasini rivojlantirish va asosan ilm-fan rivojiga baxshida etdi.