PSIXOLOGIYADA HISSIY INTELLEKTNING ROLI VA UNING SHAXSIYATGA TA'SIRI

 Mazkur tezisda psixologiyaning muhim tushunchalaridan biri bo‘lgan hissiy intellekt (EQ) va uning shaxsiyatga ta’siri o‘rganiladi. Hissiy intellekt, insonning o‘z his-tuyg‘ularini aniqlash, tushunish va boshqarish, shuningdek, boshqalarning hissiyotlarini tanib olish qobiliyatidan iborat bo‘lib, shaxsiy va ijtimoiy muvaffaqiyatlarga erishishda katta ahamiyatga ega. Tadqiqotda hissiy intellektning shaxsiyat shakllanishi, stressni boshqarish, qaror qabul qilish, ijtimoiy munosabatlar va jamoada ishlashdagi o‘rni keltiriladi. Xususan, yuqori darajadagi hissiy intellekt insonning ijtimoiy va emotsional farovonligini ta'minlashga yordam beradi, shuningdek, shaxsiyatning o‘zgarishiga ijobiy ta'sir ko‘rsatadi. Tezistagi maqsad – hissiy intellektning psixologik va shaxsiy rivojlanishdagi ahamiyatini tushuntirish, uning shaxsiyatga qanday ta’sir ko‘rsatishini yoritishdir.