TALABALARDA O‘QUV JARAYONIDAGI STRESSLI VAZIYATLARGA QARSHI IMMUNITETNI SHAKLLANTIRISH

Mamlakatimizda so‘ngi yillarda yosh avlodga ta’lim va tarbiya berishga alohida e’tibor qaratilmoqda. Ta’lim-tarbiya doimo jamiyat taraqqiyotining asosi bo‘lgan. Chunki, inson jamiyatdagi barcha munosabatlar, jarayonlar va  aloqalarning markazida turadi. Globallashuv jarayoni inson va uning ilmiy-ma’rifiy potensialini ijtimoiy taraqqiyotning hal qiluvchi omiliga aylantirdi. Jamiyat taraqqiyotining hozirgi bosqichi uchun globallashuv jarayoni xosdir. Innovatsion texnologiyalar taraqqiyotining ilg‘or natijalarini qo‘llash, yuqori darajadagi texnika texnologiyalardan foydalanish bilan bir qatorda, eng muhimi yuqori malakali mutaxassislar tayyorlash bu boradagi muhim yo‘nalishlardan biri hisoblanadi[1]. Mamlakatimizda qabul qilingan yangi taxrirdagi «Ta’lim to‘g‘risidagi qonun»i bo‘yicha butun ta’lim tizimi isloh qilinar ekan, asosiy diqqat ana shunday saviyadagi kadrlar tayyorlashga qaratilgan.