HUDUD SANOAT TARMOG’INING IQTISODIY SAMARADORLIGINI OSHIRISH VA DIVERSIFIKATSIYASINI TA’MINLASH YO'LLARI (SURXONDARYO VILOYATI MISOLIDA)

Maqolada Surxondaryo viloyati sanoat tarmog‘ining iqtisodiy samaradorligini oshirish va uning diversifikatsiyasini ta’minlash masalalari kompleks tahlil qilinadi. Hududning tabiiy resurslari, sanoat infratuzilmasi, mavjud ishlab chiqarish salohiyati, energetik imkoniyatlari hamda investitsion muhitning zamonaviy holati o‘rganilib, mavjud muammolar va ularni bartaraf etish mexanizmlari ilmiy asosda yoritildi. Qishloq xo‘jaligi xomashyosini chuqur qayta ishlash, mineral-xomashyo resurslarini sanoat aylanishiga jalb etish, kichik sanoat zonalari faoliyatini kuchaytirish, raqamli texnologiyalarni sanoat jarayonlariga joriy etish kabi yo‘nalishlar hudud iqtisodiyotini diversifikatsiya qilishning asosiy omillari sifatida baholandi. Tadqiqot natijalari Surxondaryo viloyati sanoatini modernizatsiya qilish, mahalliy iqtisodiy o‘sishni tezlashtirish va iqtisodiy xavfsizlikni mustahkamlash bo‘yicha amaliy tavsiyalar ishlab chiqishga xizmat qiladi.