Poliploid hodisasi (g’o’za misolida)

Mazkur maqolada poliploid hodisasining biologik mohiyati, ularning o‘simliklar, xususan, paxtachilikdagi ahamiyati yoritilgan. Ayniqsa, gʻoʻza (Gossypium spp- g’o’za turkumiga kiruvchi barcha turlar) misolida tabiiy va sun’iy poliploidlik holatlari, ularning evolyutsion va seleksiya jarayonlaridagi o‘rni tahlil qilingan. Gʻoʻzaning diploid va allotetraploid turlari, ularning kelib chiqishi va genetik tuzilishiga oid ma’lumotlar berilgan. Shuningdek, poliploid gʻoʻza navlarining hosildorlik, kasalliklarga chidamlilik va boshqa foydali belgilar bo‘yicha afzalliklari asoslab berilgan. Ishda ilgari o‘rganilgan ilmiy adabiyotlar va amaliy misollar asosida poliploidiyaning seleksiya jarayonidagi roli chuqur tahlil qilingan. Ushbu ish biologiya yo‘nalishida tahsil olayotgan talabalar uchun o‘ziga xos ilmiy-amaliy ahamiyatga ega bo‘lib, gʻoʻza seleksiyasida zamonaviy yondashuvlarni ochib beradi.