YELKA BO‘G‘IMI ODATIY CHIQISHINI JARROHLIK YO‘LI BILAN DAVOLASH SAMARADORLIGINI OSHIRISH

Ushbu tadqiqotda odatiy yelka bo‘g‘imi chiqishini jarrohlik yo‘li bilan davolash samaradorligi ob’ektiv baholash so‘rovnomasi asosida tahlil qilindi. 2017–2023-yillarda Toshkentdagi Mudofaa vazirligi Markaziy harbiy klinik gospitali va Farg‘onadagi SSV muassasalarida Tkachenkо hamda Isakov usullari bilan operatsiya qilingan 93 bemor kuzatildi. Baholash uch soha bo‘yicha olib borildi: operatsion ko‘rsatkichlar (davomiylik ≤2 soat, distrofiya profilaktikasi, kapsula yaxlitligi), anatomo-funksional holat (fleksiya 143°, ekstenziya 32°, abduksiya 134°, bo‘g‘im simmetriyasi va mushak tonusi), hamda bo‘g‘im elementlari (bo‘g‘im yorig‘i 2,1 mm; MSKTda artroz belgilari saqlanib, progressiyalanmasligi). Umumiy ball 32 ni tashkil etib, jarrohlik aralashuvining yuqori samaradorligini ko‘rsatdi; shuningdek, bemorlarning tibbiy yordamdan qoniqishi oshdi (A’lo: 8,0%→16,7%; Yaxshi: 33,0%→41,8%; Yomon: 16,0%→0%), ijtimoiy samaradorlik koeffitsienti 1,2 ga teng bo‘ldi. Obyektiv baholash ijobiy chiqqan bemorlarda qayta chiqish xavfi past deb baholandi va operatsiyadan 7-oydan boshlab yengil reabilitatsiya fonida sport yuklamalariga ruxsat etildi.