NAZAR ESHONQUL HIKOYA VA QISSALARIDA YOLG‘IZLIK MOTIVINING BADIIY VOSITALARI (“MAYMUN YETAKLAGAN ODAM”, “OG‘RIQ LAZZATI”, “MUOLAJA”, “GO‘RO‘G‘LI YOXUD HAYOT SUVI” ASARLARI MISOLIDA)

Ushbu maqolada Nazar Eshonqul hikoya va qissalarida yolg‘izlik motivining badiiy ifodalanish usullari tahlil qilinadi. Xususan, “Maymun yetaklagan odam”, “Og‘riq lazzati”, “Muolaja” hamda “Go‘ro‘g‘li yohud hayot suvi” asarlari misolida yozuvchining inson ruhiyatini tasvirlashdagi mahorati, ramziy obrazlardan foydalanishi, psixologik tahlil usullari va badiiy tafakkur xususiyatlari yoritiladi. Tadqiqot jarayonida yolg‘izlikning nafaqat ijtimoiy, balki ekzistensial holat sifatida talqin etilishi, qahramonlarning ichki ziddiyatlari va ruhiy izlanishlari orqali ochib beriladi. Shuningdek, yozuvchi asarlarida qo‘llanilgan badiiy vositalar – ramziylik, metaforik ifoda, ichki monolog va psixologik detallar orqali insonning ichki olamini yoritishdagi o‘ziga xos uslub tahlil qilinadi.