ҲУДУДНИ ИННОВАЦИОН ТЕХНОЛОГИЯЛАРНИ ЖОРИЙ ҚИЛИШНИНГ ЎЗИГА ХОС ХУСУСИЯТЛАРИ

Ҳудудларнинг инновацион ривожланиши нафақат ташқи чақириқлар, балки ички вазифалар, яъни мамлакат ҳудудларини иқтисодий жиҳатдан мутаносиб ривожланишини таъминлаш зарурати билан ҳам белгиланади. Шу боис ҳудудларда инновацион фаолиятни фаоллаштириш масалалари кўплаб олимларнинг доимий эътиборида бўлиб келмоқда. Инновацион фаолият билан илм-фан салоҳияти (олий ўқув юртлари ва илмий-тадқиқот ташкилотлари) ўртасидаги боғлиқлик М. Фрицч, М. Вюрвич[1] ишларида кўриб чиқилган. Инновацион инфратузилманинг инновацион кластерлар каби элементининг минтақавий инновацион тизимлар иштирокчилари ўртасидаги ўзаро муносабатлар самарадорлигига таъсири Е.Куценко [2] ишларида ўрганилган. Тадқиқот мавзуси доирасида инновацион лойиҳаларни тезлаштириш механизмини ўрганган ва минтақавий бизнес катализатори моделини таклиф қилган С.Макаров, Е.Угничларнинг[3] ишлари эса эътиборга лойиқдир.