MEVA SABZAVOT MAHSULOTLARI YETISHTIRISHDA TEXNOLOGIK OMILLARNING AHAMIYATI

Ushbu maqolada meva-sabzavot mahsulotlarini yetishtirishda zamonaviy texnologik omillarning roli, ularning hosildorlik va sifat ko‘rsatkichlariga ta’siri hamda qishloq xo‘jaligi ishlab chiqarishining samaradorligini oshirishdagi o‘rni tahlil qilinadi. Qishloq xo‘jaligi tizimida texnologik jarayonlarning modernizatsiyasi, agrotexnik me’yorlarga amal qilish, irrigatsiya va oziqlantirish tizimlarini avtomatlashtirish meva- sabzavotchilikda yuqori natijalarga erishishning asosiy shartlaridan biri ekanligi ilmiy asoslangan. Tadqiqot davomida texnologik omillar sifatida urug‘lik materialining sifati, issiqxona mikroiqlimi, o‘g‘itlash tizimi, sug‘orish usullari, texnika vositalarining mexanizatsiya darajasi, biologik himoya va qayta ishlash texnologiyalarining o‘zaro ta’siri o‘rganildi. Tahlil natijalari shuni ko‘rsatadiki, innovatsion texnologiyalarning joriy etilishi meva-sabzavot tarmog‘ining raqobatbardoshligini oshiradi, eksport salohiyatini kengaytiradi va oziq-ovqat xavfsizligini ta’minlaydi.