QISHLOQ XO‘JALIGI MAHSULOTLARINI QAYTA ISHLASHDA ZAMONAVIY TEXNOLOGIYALARNING QO‘LLANILISHI VA ULARNING SAMARADORLIGI

Ushbu tezisda qishloq xo‘jaligi mahsulotlarini qayta ishlash jarayonlarida zamonaviy texnologiyalarning qo‘llanilishi va ularning samaradorligi atroflicha tahlil qilinadi. Meva-sabzavotlar, sut va go‘sht, don mahsulotlari kabi asosiy agroxomashyolarning qayta ishlanishida foydalanilayotgan innovatsion texnologiyalar (masalan: past haroratli quritish, aseptik qadoqlash, vakuumli konservatsiya, biotexnologik fermentatsiya) misolida ularning mahsulot sifatiga, saqlanish muddati va ekologik xavfsizligiga ta’siri ko‘rsatib beriladi. Shu bilan birga, mazkur texnologiyalar yordamida oziq-ovqat isrofini kamaytirish, eksport hajmini oshirish, qo‘shimcha qiymat yaratish va qishloq hududlarida bandlikni kengaytirish imkoniyatlari ham yoritiladi. Tezisda texnologik yangiliklarning iqtisodiy va ekologik samaradorligi, ularni amaliyotga joriy qilishda duch kelinayotgan muammolar va yechimlar haqida metodik yondashuvlar beriladi.