ELEKTRON TIJORATNING SAMARADORLIGIGA TA’SIR ETUVCHI OMILLAR: O‘ZBEKISTON MISOLIDA

Ushbu maqolada elektron tijoratning jahon bozorida tez sur’atlarda rivojlanayotgani va bu jarayon savdo samaradorligini oshirish, xarajatlarni kamaytirish hamda xizmatlar doirasini kengaytirish kabi afzalliklarni ta’minlashi yoritilgan. Xususan, rivojlanayotgan davlatlar, jumladan O‘zbekiston misolida elektron tijoratga ta’sir ko‘rsatuvchi omillar – texnologik, iqtisodiy, geografik va tashkiliy jihatlar tahlil qilinadi. Xorijiy tajriba asosida olib borilgan tahlillar orqali mamlakatimizda raqamli savdoning salohiyati va uni rivojlantirish imkoniyatlari aniqlanadi. Tadqiqot natijasida elektron tijoratga ijobiy ta’sir etuvchi omillarni kuchaytirish va salbiy jihatlarni bartaraf etish orqali O‘zbekistonda elektron tijoratni yanada jadallashtirish bo‘yicha amaliy tavsiyalar ishlab chiqiladi.