INVESTITSION AUDITNING SAMARADORLIGINI OSHIRISH USULLARI: XORIJIY TAJRIBA VA MAHALLIY AMALIYOT

Ushbu maqolada investitsion audit tushunchasi, uning iqtisodiy xavfsizlik va investitsiyalarni samarali boshqarishdagi o‘rni chuqur o‘rganiladi.Avvalo, rivojlangan davlatlarda investitsion auditni tashkil etish, uni amalga oshirishda qo‘llanilayotgan zamonaviy yondashuvlar, raqamli texnologiyalar va xalqaro audit standartlari asosida olib borilayotgan tajribalar tahlil qilinadi. Shuningdek, O‘zbekiston Respublikasida investitsion auditning joriy holati, amaliyotda uchrayotgan muammo va to‘siqlar, ularni bartaraf etish bo‘yicha davlat siyosati hamda islohotlar tahlil qilinadi. Maqolada xorijiy tajriba va mahalliy amaliyot o‘rtasidagi farqlar asosida investitsion audit samaradorligini oshirishga xizmat qiluvchi innovatsion usullar va strategiyalar taklif etiladi. Tadqiqot natijalari ushbu sohani yanada rivojlantirish, investitsiyalarning shaffofligi va hisobdorligini oshirish, hamda investorlar ishonchini mustahkamlashga qaratilgan muhim ilmiy va amaliy xulosalarni o‘z ichiga oladi.