INGLIZ VA O‘ZBEK TILLARIDAGI ETNOGRAFIZMLARNING LINGVOMADANIY ANALIZI

Bilamizki bugun respublikamiz barcha rivojlangan davlatlar tan olgan va dunyo hamjamiyatida o‘z o‘rniga ega bo‘lgan mustaqil davlatlardan biridir. Yurtimizda bo‘layotgan jamiyatning barcha sohasidagi yangiliklar O‘zbekistonimizning yanada gullab yashnashiga olib bormoqda. Ayniqsa ta’lim jarayoniga katta e’tibor berilayotgani yoshlar ta’lim-tarbiyasiga o‘zining ijobiy hissasini qo‘shmoqda. Ayni vaqtda, O‘zbekistonda chet tillariga, ayniqsa ingliz tiliga, bo‘lgan qiziqish va talabning ortib borishi natijasida ta’lim tizimida chet tillarini o‘qitish bo‘yicha barcha yangiliklarni muntazam o‘rganib borish davlatimiz miqyosida olib borilmoqda. Biz yoritayorgan ushbu mavzuning eng muhim dolzarb jihatlaridan biri shundaki, bir tomonda xorijiy tillarga qiziqishning o‘sishi bo‘lsa, ikkinchi tomondan ingliz va o‘zbek tillaridagi maqollarning lingvokulturologik va semantik xususiyatlarini har ikkla tilda qiyosiy o‘rganish va ularni o‘xshash va farqli tomonlarini umumlashtirishdir. Ayniqsa, o‘zbek va ingliz maqollarini qiyosiy o‘rganish asnosida har ikkala xalqning madaniy va milliy odatlarini tilga qay daraja aks etganini ifodalab, xalqlarning mentalitetidagi o‘zaro o‘xshash va farqli tomonlarini isbotlab beradi.