« ИЛК УРТА АСРЛАРДА ТОХАРИСТОНДА ҚИШЛОҚ ХЎЖАЛИГИ ВА СУНЪИЙ СУҒОРИШИ: ВАХШ ВОДИЙСИ МИСОЛИДА»

Мақола Вахш водийсида илк урта асрларда қишлоқ хўжалиги ва сунъий суғоришнинг тарихи, ривожланиши ҳамда ижтимоий-иқтисодий аҳамиятини илмий асосда таҳлил қилади. Мақсад — сувсозлик тизимлари ва улар билан боғлиқ археологик топилмалар орқали водийда қишлоқ хўжалиги, шаҳарлар ва маданий ривожланишнинг узлуксиз тарихи ҳақида кенгроқ тасаввур бериш. Тадқиқотларда М. М. Дьяконов, Н. А. Маев, П. Е. Косяков ва бошқа олимлар илмий хулосалари асос қилинади. Мақолада Вахш водийсининг қуруқ субтропик иқлимида сунъий суғоришнинг аҳамияти, қадимги каналлар ва ирригация иншоотлари, шаҳар ва қишлоқ жамиятлари билан боғлиқ археологик ёдгорликлар ҳақида маълумотлар келтирилган. Шунингдек, Қалъаи Мир, Чоргуль-тепа, Аджина-тепа, Кафиртепа ва Лягман каби археологик объектлар орқали сувсозлик тизимларининг тарихий динамикаси ва маданий ривожланишга таъсири таҳлил қилинган. Мақола Вахш водийсининг қишлоқ хўжалиги ва ирригация маданиятини ўрганишдаги муҳим илмий манба ҳисобланади.