Maktabgacha ta’limda bolalarning kitobxonlik madaniyatini shakllantirishda oila bilan ishlash texnologiyasi

Ushbu maqolada maktabgacha ta’lim tizimida bolalarning kitobxonlik madaniyatini shakllantirish jarayonida oila bilan samarali hamkorlik texnologiyalarini qo‘llash masalasi yoritilgan. Bolaning shaxsiy rivojlanishida oilaning o‘rni va ta’siri, shuningdek, tarbiya jarayonida o‘qish madaniyatini shakllantirishga oid zamonaviy pedagogik yondashuvlar tahlil qilingan.Maqolada “Harakatlar strategiyasi”, “Yangi O‘zbekistonning Taraqqiyot strategiyasi” hamda “O‘zbekiston – 2030” strategik dasturlarida belgilangan maqsad va ustuvor yo‘nalishlar asosida maktabgacha ta’limda oila bilan ishlash texnologiyalarini takomillashtirishning nazariy va amaliy asoslari bayon etilgan.Tadqiqot natijalari shuni ko‘rsatadiki, oila muhitida bolalarga kitob o‘qish, ertak aytish, birgalikda o‘qish jarayonlarini tashkil etish bolalarda kitobga bo‘lgan qiziqish, so‘z boyligi va muloqot madaniyatini rivojlantirishda muhim omil hisoblanadi. Maqolada oila va ta’lim muassasasi hamkorligini mustahkamlash, o‘qish madaniyatini erta yoshdan singdirish hamda kitobxonlikni qadriyat sifatida shakllantirish bo‘yicha samarali metodik tavsiyalar ishlab chiqilgan.