POLIPLI RINOSINUSITDA ANTIBAKTERIAL VA YALLIG‘LANISHGA QARSHI TERAPIYANING INTEGRATSIYALASHGAN YONDASHUVI: KLINIK SAMARADORLIK TAHLILI

Maqolada polipli rinosinusit (chronic rhinosinusitis with nasal polyps — CRSwNP) bo‘yicha antibakterial va yallig‘lanishga qarshi terapiyaning integratsiyalashgan yondashuvi o‘rganilgan. Ushbu kasallik ko‘p hollarda nafaqat yallig‘lanish, balki bakterial infeksiyalar bilan ham murakkablashgani sababli, kompleks davolash yondashuvlarini qo‘llash zarurati tug‘iladi.
Tadqiqotda mahalliy va sistemik kortikosteroidlar bilan birga antibiotiklarni (amoksitsillin-klavulanat, tsefalosporinlar va boshqalar) qo‘llashning samaradorligi to‘g‘risidagi adabiyotlar tahlil qilingan. Olingan ma’lumotlarga ko‘ra, integratsiyalashgan terapiya simptomlarni tezroq kamaytiradi, poliplarning o‘lchamini kichraytiradi va qaytalanish ehtimolini sezilarli darajada pasaytiradi.
Maqola xulosasida CRSwNPni davolashda infektsiyani bartaraf etish va yallig‘lanishni nazorat qilishni birlashtirgan yondashuv — zamonaviy klinik amaliyotda yuqori samarali usul sifatida ko‘riladi. Antibiotiklardan faqat zarurat bo‘lganda va laborator tekshiruvlarga asoslanib foydalanish tavsiya etiladi.