Stomitit: Etiologiya, klinik koʻrinishi va davolash usullari.

Stomatit – bu ogʻiz shilliq qavatining yalligʻlanish kasalligi boʻlib, turli etiologik omillar taʼsirida kelib chiqadi. Kasallikning rivojlanishida infeksion agentlar (viruslar, bakteriyalar, zamburugʻlar), mexanik, kimyoviy va termal shikastlar, shuningdek, allergik reaktsiyalar, immunitet tizimining zaiflashuvi, gigiyena qoidaalariga rioya qilmaslik va sistemali patologiyalar (qandli diabet, anemiyalar, vitamin yetishmovchiliklari) muhim ahamiyatga ega. Stomatitning klinik koʻrinishi juda xilma-xil boʻlib, ogʻiz boʻshligʻida giperemiya, shish, ogʻriq, qichishish hissi va elementlar (aftalar, eroziyalar, yaralar) paydo boʻlishi bilan tavsiflanadi. Kasallikning ogʻirlik darajasi va klinik kechish turiga qarab, lokal va sistemali davolash usullari qoʻllaniladi. Zamonaviy davolash strategiyasi etiologik omilni bartaraf etish, yalligʻlanish belgilarini kamaytirish, ogʻriqni nazorat qilish va asoratlarning oldini olishga qaratilgan. Ushbu maqolada stomatitning asosiy shakllari (kataral, aftoz, gerpes, kandidomikoz, allergik), ularning differensial diagnostikasi, shuningdek, zamonaviy terapevtik yondashuvlar, jumladan, antiseptik va antimikrob preparatlar, immunomodulyatorlar, keratoplastik moddalar va yangi fizioterapevtik usullar tahsil etilgan.