ITALYAN TILINI RUSIYZABON GURUHLARDA O’QITISHNING DIDAKTIK VA METODIK ASOSLARI

Mazkur maqolada rusiyzabon guruhlarda italyan tilini o‘qitishning lingvodidaktik va psixologik xususiyatlari tahlil qilinadi. Asosiy e’tibor rus tili va italyan tili o‘rtasidagi grammatik, fonetik va sintaktik tafovutlarga, shuningdek, o‘quvchilarning psixologik holatiga qaratilgan. Masla (2021) va Dalla Libera (2021) tomonidan olib borilgan tadqiqotlar asosida, italyan tilini samarali o‘qitish uchun kommunikativ va madaniy integratsiyaga asoslangan metodik yondashuvlar tavsiya etiladi. Tadqiqotlarda rusiyzabon talabalar orasida til o‘zlashtirishda xatolarni qabul qilishdagi qiyinchiliklar, formalistik o‘qitish uslublarining ustunligi, va og‘zaki muloqotda sustlik holatlari aniqlangan. Mualliflar xatolarni o‘quv resursiga aylantirish, multimodal vositalardan foydalanish, interaktiv muhit yaratish va o‘qituvchining madaniy vositachi sifatidagi rolini kuchaytirish zarurligini ta’kidlaydilar. Maqola, shuningdek, italyan tilini o‘rganishda individual yondashuv va madaniy tafovutlarni hisobga olishning dolzarbligini ko‘rsatadi