O‘ZBEKISTON SANOATIDA NOANIQLIK VA TAVAKKALCHILIK SHAROITIDA MOLIYAVIY MENEJMENT SAMARADORLIGINI BAHOLASH

Mazkur maqolada O‘zbekiston sanoat tarmoqlarida noaniqlik va tavakkalchilik omillari sharoitida moliyaviy menejment samaradorligini baholash muammosi o‘rganildi. Zamonaviy iqtisodiy sharoitda xom ashyo narxlarining o‘zgaruvchanligi, global inflyatsiya xavflari va geosiyosiy beqarorlik omillari moliyaviy boshqaruv tizimiga jiddiy ta’sir ko‘rsatmoqda. Shuning uchun sanoat korxonalarining moliyaviy barqarorligini ta’minlash, risklarni aniqlash va boshqarish tizimlarini takomillashtirish dolzarb masala sifatida qaralmoqda. Tadqiqot doirasida xalqaro va milliy olimlarning ilmiy ishlari tahlil qilindi, mavjud metodik yondashuvlarning afzallik va cheklovlari aniqlab berildi. Moliyaviy menejment samaradorligini baholash uchun yangi indikatorlar tizimi ishlab chiqildi va sanoat korxonalari misolida tajribadan o‘tkazildi. Noaniqlik va tavakkalchilik omillari ta’sirini kamaytirishga qaratilgan strategik moliyaviy boshqaruv mexanizmlari taklif qilindi. Tadqiqot natijalari asosida O‘zbekiston sanoat korxonalari uchun moliyaviy menejment samaradorligini oshirish va tavakkalchilikni boshqarish bo‘yicha ilmiy-amaliy tavsiyalar ishlab chiqildi.