Nemis tilidagi animalistik frazeologizmlarning o’zbek tiliga tarjima qilish prinsiplari

Mazkur maqolada nemis tilidagi animalistik frazeologizmlarni o‘zbek tiliga tarjima qilish prinsiplari lingvistik va madaniy mezonlar asosida tahlil qilinadi. Frazeologik birliklar tarjimasida yuzaga keladigan semantik noaniqliklar, madaniyatlararo tafovutlar hamda ekvivalentlik darajalari ilmiy asosda ko‘rib chiqiladi. Xususan, nemis tilidagi hayvon nomlari ishtirokidagi iboralarning o‘zbek tilidagi funksional va semantik muqobillari aniqlanadi. Maqolada tarjima strategiyalari – to‘g‘ridan-to‘g‘ri tarjima, funksional almashtirish, kontekstual moslashtirish hamda izohli tarjima usullari orqali frazeologizmlarni o‘zbek tiliga muvaffaqiyatli o‘tkazish yo‘llari taklif etiladi. Shu bilan birga, maqolada nemis va o‘zbek milliy mentalitetidagi farqlar frazeologik ifodalarga qanday ta’sir ko‘rsatishi ham yoritiladi. Tadqiqot natijalari tarjima jarayonida animalistik frazeologizmlarning milliy-madaniy mazmunini saqlagan holda, ularni o‘zbek tiliga samarali tarzda o‘tkazish uchun ilmiy asos bo‘lib xizmat qiladi.