TIBBIY TA’LIMDA SIMULYATSION TEXNOLOGIYALARDAN FOYDALANISHNING SAMARADORLIGI

Mazkur maqolada tibbiy ta’lim jarayonida simulyatsion texnologiyalardan foydalanishning pedagogik va amaliy ahamiyati tahlil qilinadi. Zamonaviy tibbiy ta’lim tizimida nazariy bilimlarni mustahkamlash hamda klinik ko‘nikmalarni xavfsiz muhitda shakllantirishda simulyatsion metodlarning o‘rni alohida ekanligi yoritiladi. Tadqiqot davomida simulyatsion treninglar, virtual bemorlar, manekenlar va interaktiv o‘quv platformalaridan foydalanish talabalarning klinik fikrlashini rivojlantirishi, qaror qabul qilish qobiliyatini oshirishi hamda amaliy ko‘nikmalarni samarali shakllantirishga xizmat qilishi aniqlangan. Shuningdek, simulyatsion texnologiyalar o‘quv jarayonining samaradorligini oshirish, tibbiy xatoliklar xavfini kamaytirish va ta’lim sifatini takomillashtirishga ijobiy ta’sir ko‘rsatishi asoslab berilgan. Tadqiqot natijalari tibbiy ta’lim muassasalarida innovatsion pedagogik texnologiyalarni joriy etish zarurligini ko‘rsatadi