MAKTABGACHA YOSHDAGI BOLALAR O’RTASIDA GIJJA KASALLIKLARINI TARQALGANLIGINI O’RGANISH NATIJALARI

Bugungi kunda parazitar kasalliklarning tarqalishi butun insoniyat uchun dolzarb muammodir. Parazitlar keltirib chiqaradigan kasalliklarning jamiyat salomatligi va ijtimoiy rivojlanishiga salbiy ta’sirini sil, bezgak va OIV/OITS kabi kasalliklarning ta’siri bilan solishtirish mumkin. SHu bilan birga, JSST ekspertlarining fikriga ko’ra, gelmintozlar ma’lum darajada "unutilgan kasalliklar" ga aylangan - butun dunyoda ularning tibbiy va ijtimoiy ahamiyati yetarlicha baholanmagan. Hatto endemik mamlakatlarda ham sog’liqni saqlash organlari va aholi tomonidan ularga yetarlicha e’tibor qaratilmaydi.