QISHLOQ HUDUDLARIDAGI MAKTABGACHA TA’LIM MUASSASALARIDA SANITARIYa-GIGIENA SHAROITLARI VA ULARNING BOLALAR SALOMATLIGIGA TA’SIRI

Maktabgacha ta’lim muassasalarida «sanitariya va gigiena» tushunchasi muhim ahamiyatga ega. Bu kontekstda u ichimlik suv va qo’l yuvish vositalarining mavjudligi, shuningdek, gigienik talablarga javob beradigan ishlaydigan hojatxonani o’z ichiga oladi. Maktab hojatxonalarini toza suv, elementar sanitariya-gigiena sharoitlari bilan ta’minlash bolalarga sog’lom hayot boshlash va rivojlanish imkonini beradi. SHuningdek, maktabgacha ta’lim muassasalarida sanitariya va gigiena sharoitlarini yaxshi bo’lishi bolalarning sog’lom o’sib-ulug’ayishida muhim o’rin tutadi. Ayniqsa, qishloq hududlarida joylashgan bog’chalarda sanitariya-gigiena talablariga rioya qilinishi bolalarning jismoniy va ruhiy rivojlanishiga katta ta’sir ko’rsatadi. Bola organizmi hali rivojlanishda davom etishi va ularda immun tizimining hali to’liq shakllanmaganligi tufayli gigienik talablarning buzilishi turli kasalliklarning kelib chiqishiga sabab bo’ladi